🇰🇿Ардақты аналар мен аяулы арулар!
Сіздерді көктемнің шуақты мерекесі – 8 наурыз Халықаралық әйелдер күнімен шын жүректен құттықтаймын!
✅Ана – отбасының тірегі, берекесі мен шырағы. Әр шаңыраққа жылу сыйлап, мейірім мен махаббаттың нұрын жағып отырған да – сіздер. Ұрпақ тәрбиелеп, ел болашағын қалыптастырудағы еңбектеріңіз әрдайым зор құрметке лайық.
✅Халқымыз ананы әрқашан ардақ тұтқан. «Отан – отбасынан басталады» десек, сол отбасының берекесін кіргізіп, бірлігін бекемдеп отырған – өздеріңіз. Сіздердің парасаттылықтарыңыз бен төзімдеріңіз, даналықтарыңыз бен еңбексүйгіштіктеріңіз қоғам тұрақтылығы мен дамуының негізі болып табылады.
📍Мемлекет басшысы Қасым-Жомарт Тоқаев өз сөзінде: «Әйел – отбасының ұйытқысы, қоғамның тірегі. Аналарды қолдау және отбасы институтын нығайту – мемлекеттік саясаттың маңызды бағыты», – деп атап өткен.
✅Бүгінде әйелдер тек шаңырақтың ұйытқысы ғана емес, еліміздің дамуына өз үлесін қосып жүрген білікті маман, іскер басшы, табысты кәсіпкер, ұлағатты ұстаз ретінде де қоғамда лайықты орын алып келеді.
💐 Құрметті аналар!
Сіздерге зор денсаулық, ұзақ ғұмыр, отбасыларыңызға амандық пен береке тілеймін. Әрдайым шаңырақтарыңыз шаттыққа толып, еңбектеріңіз жемісті бола берсін!
Ізгі ниетпен,
Аудан әкімі. Е. Әлімқұлов